༄༅།།སློབ་གསོའི་ཆེད་དུ་མ་དངུལ་བསྡུ་བ།
གསར་འགྱུར་སྤེལ་དུས། 【2016ལོའི་ཟླ་ 11ཚེས་07ཉིན། 15:12】 （རྩོམ་སྒྲིག་འགན་འཁུར་པ། མཁའ་འགྲོ།）
མི་དམངས་དྲ་བའི་འཕྲིན། བོད་ལྗོངས་ཉིན་རེའི་ཚགས་པར་ཁང་གི་ནག་ཆུ་ས་ཁུལ་ཨ་མདོ་རྫོང་རྩྭ་རིང་གྲོང་རྡལ་ལྷ་མོ་མཚོ་གྲོང་ཚོར་བཅའ་སྡོད་བྱེད་པའི་ལས་བྱེད་རུ་ཁག་གིས་ཡུལ་དེའི་སློབ་གསོ་དོ་མཉམ་ངང་འཕེལ་རྒྱས་གཏོང་ཆེད། སྒོ་ཚུགས་སློབ་ཆུང་གི་གནས་ཚུལ་དངོས་ལ་གཞིགས་ནས་དྲ་ལམ་བརྒྱུད་དེ་"རྒྱ་མཚོའི་ངོས་ལས་ས་བབ་མཐོ་ཚད་སྨི་4700ཡོད་པའི་བོད་ལྗོངས་ཀྱི་སློབ་ཆུང་ལ་བྱེད་སྒོ་ཁང་དང་དཔེ་དེབ་ཁང་སྐྲུན་པའི་མ་དངུལ་བསྡུ་གསོག་"གི་བྱ་འགུལ་སྤེལ་བ་རེད། མིག་སྔར། བྱ་འགུལ་དེ་བདེ་བླག་ངང་མཇུག་བསྒྲིལ་བ་དང་བསྡོམས་པས་མ་དངུལ་སྒོར་ཁྲི་2ལྷག་བསྡུས་ཡོད་པ་རེད། ད་ལྟ་ཕྱོགས་བསྡུས་རང་བཞིན་གྱི་བྱེད་སྒོ་ཁང་དཔེ་དེབ་ཁང་བསྐྲུན་ཡོད་པ་མ་ཟད་བེད་སྤྱོད་གཏོང་འགོ་ཚུགས་ཡོད། འདི་ནི་སྒོ་ཚུགས་སློབ་ཆུང་གི་ལོ་རིམ་གསུམ་པའི་སློབ་མས་གསར་དུ་བསྐྲུན་པའི་ཕྱོགས་བསྡུས་བྱེད་སྒོ་ཁང་དང་དཔེ་དེབ་ཁང་དུ་དཔེ་ཀློག་བྱེད་བཞིན་ཡོད་པ།
