༄༅།།པེ་ཅིང་གྲོང་ཁྱེར་དུ་སྨུག་རྡུལ་བསྐྱར་དུ་འཐིབས་ནས་ས་གསལ་མངོན་རྟགས་བཟོ་བཀོད་གསལ་
ལ་མ་གསལ་གྱུར་པ།
གསར་འགྱུར་སྤེལ་དུས། 【2016ལོའི་ཟླ་ 10ཚེས་19ཉིན། 11:03】 (རྩོམ་སྒྲིག་འགན་འཁུར་པ། བཀྲ་ཤིས།)
མི་དམངས་དྲ་བའི་འཕྲིན། ཟླ་10ཚེས་18ཉིན་གྱི་ཕྱི་དྲོའི་ཆུ་ཚོད་16གི་སྟེང་དུ་པེ་ཅིང་གྲོང་ཁྱེར་གྱི་གནམ་གཤིས་བརྟག་དཔྱད་ལས་ཁུངས་ཀྱིས་སྨུག་རྡུལ་ཉེན་ཟོན་བརྡ་རྟགས་སེར་པོ་བཏང་ནས་སྔོན་དཔག་བྱས་ན་ཉིན་དེའི་ས་སྲོད་ནས་ཚེས་19ཉིན་བར་པེ་ཅིང་གྲོང་ཁྱེར་གྱི་ས་ཁུལ་མང་ཆེ་བར་སྨུག་རྡུལ་འབྲིང་གྲས་ཡོད་པ་དང་། ལྷོ་རྒྱུད་ས་ཁུལ་དུ་སྨུག་རྡུལ་ཚབས་ཆེ་གྲས་ཡོད་པ་རེད། ཐུང་ཀྲོའུ་དང་ཏ་ཤིན་ཆུས་ཀྱི་གནམ་གཤིས་བརྟག་དཔྱད་ལས་ཁངས་ཀྱིས་ཀྱང་ཆུ་ཚོད་16གི་སྔ་རྗེས་སུ་སྨུག་རྡུལ་ཉེན་ཟོན་བརྡ་རྟགས་ལི་མདོག་བཏང་བ་རེད། ཆུ་ཚོད་16གི་བར་དུ་གྲོང་ཁྱེར་གྱི་ཆུས་དྲུག་གི་མཁའ་དབུགས་ཁྲོད་ཀྱི་PM2.5སྟུག་ཚད་སྨི་རྒྱ་དཔངས་གྲུ་བཞི་རེར་ཝའེ་ཁེ་150རུ་སླེབས་ཡོད་པས་རིམ་པ་5པའི་འབག་བཙོག་ཚབས་ཆེ་ཚད་དུ་སླེབས་པ་རེད།