༄༅།།ཝུན་ཀྲོའུ་ཡི་སྡོད་ཁང་རྡིབ་ཡུལ་དངོས་སུ་བུ་མོ་ཆུང་ཆུང་ཞིག་བསྐྱབས་པ་དང་བུ་མོའི་ཕ་མས་
ལུས་ཕུང་གིས་བུ་མོ་སྲུང་སྐྱོབ་བྱས་ཡོད་པ།

     མི་དམངས་དྲ་བའི་འཕྲིན། ཟླ་10ཚེས་10ཉིན་གྱི་ཆུ་ཚོད་18དང་སྐར་མ་45སྟེང་དུ་ཀྲེ་ཅང་ཞིང་ཆེན་ཝུན་ཀྲོའུ་དམངས་སྡོད་སྡོད་ཁང་ཞིག་རྡིབ་ལོག་དོན་རྐྱེན་བྱུང་ཡུལ་དངོས་སུ་ལོ་6ཅན་གྱི་བུ་མོ་ཆུང་ཆུང་ཞིག་ལེགས་འགྲུབ་ངང་བསྐྱབས་པ་དང་། བུ་མོ་དེ་རང་གི་ཕ་མས་ལུས་ཕུང་གིས་སྲུང་སྐྱོབ་བྱས་ཡོད་པའི་འོག་་སྲོག་ཉེན་ལས་ཐར་བ་རེད། མིག་སྔར་བུ་མོ་ཆུང་ཆུང་དེ་ཝུན་ཀྲོའུ་གསོ་རིག་ཚན་རིག་སློབ་ཆེན་གྱི་ཟུར་གཏོགས་སྨན་ཁང་གཉིས་པར་སྲོག་སྐྱོབ་སྨན་བཅོས་བྱེད་བཞིན་ཡོད་ལ། ཚེ་སྲོག་ལུས་རྟགས་བརྟན་པོ་རེད། 
     ཟླ་10ཚེས་10ཉིན་གྱི་སྐྱ་རངས་ཀྱི་ཆུ་ཚོད་4ཡི་ཡས་མས་སུ། ཀྲེ་ཅང་ཞིང་ཆེན་ཝུན་ཀྲོའུ་གྲོང་ཁྱེར་ལུའུ་ཁྲེང་ཆུས་ཀྲུང་དབྱང་ཐུའུ་གྲོང་ཚུན་ཀྲུང་དབྱང་ཁྲོམ་ལམ་ཨང་159པའི་དམངས་སྡོད་སྡོད་ཁང་4རྡིབ་ལོག་བྱུང་བ་རེད།