༄༅།།ཡེ་མེན་ཧུའུ་སའེ་དྲག་དཔུང་གིས་རྒྱལ་ཁབ་མང་པོའི་མཉམ་འབྲེལ་དམག་དཔུང་གིས་སཱ་
ནར་མཁའ་རྒོལ་བྱས་པས་མི་82རྐྱེན་ལམ་དུ་ཤོར་བ་རེད་ཅེས་བརྗོད་པ།

       མི་དམངས་དྲ་བའི་འཕྲིན། ཟླ་10ཚེས་8ཉིན། ཡེ་མེན་སྤྱི་མཐུན་རྒྱལ་ཁབ་ཀྱི་ཧུའུ་སའེ་དྲག་དཔུང་གི"འཕྲོད་བསྟེན་པུའུ"ཡི་འཐུས་ཚབ"པུའུ་ཀྲང"གིས་སོ་ཏི་ཨ་རབ་རྒྱལ་ཁབ་ཀྱིས་འགོ་ཁྲིད་བྱེད་པའི་རྒྱལ་ཁབ་མང་པོའི་མཉམ་འབྲེལ་དམག་དཔུང་གིས་ཉིན་དེའི་ཕྱི་དྲོར། ཡེ་མེན་རྒྱལ་ཁབ་ཀྱི་རྒྱལ་ས་ས་ན་རུ་སྤེལ་བཞིན་པའི་དུར་འཇུག་བྱེད་སྒོ་ཞིག་ལ་མཁའ་རྒོལ་བྱས་པས། ཉུང་མཐའ་ཡང་མི་82རྐྱེན་ལམ་དུ་ཤོར་བ་དང་། མི་534ལ་རྨས་སྐྱོན་ཕོག་པ་རེད་ཅེས་བརྗོད། འོན་ཀྱང་། སོ་ཏི་ཨ་རབ་ཀྱིས་འགོ་ཁྲིད་བྱེད་པའི་རྒྱལ་ཁབ་མང་པོའི་མཉམ་འབྲེལ་དམག་དཔུང་གིས་ཉིན་དེར་དམག་འཐབ་གནམ་གྲུས་ས་ན་རུ་སྤེལ་བཞིན་པའི་དུར་འཇུག་བྱེད་སྒོ་ཐོག་ལ་མཁའ་རྒོལ་བྱས་མེད་ཅེས་བརྗོད་པ་རེད།