༄༅།།ལི་གཡོད་ཨོ་རྩལ་འགྲན་ཚོགས་ཀྱི་སྐྱེས་པའི་འགྲོས་རྩལ་འགྲན་བསྡུར་ནང་ཀྲུང་གོའི་ཚོགས་
པས་ཨང་དང་པོ་དང་གཉིས་པ་གཉིས་ཀ་བླངས་པ།
གསར་འགྱུར་སྤེལ་དུས། 【2016ལོའི་ཟླ་ 08ཚེས་15ཉིན། 10:07】 (རྩོམ་སྒྲིག་འགན་འཁུར་པ། སྙིང་ལྕགས།)
མི་དམངས་དྲ་བའི་འཕྲིན། 2016ལོའི་ལི་གཡོད་ཨོ་རྩལ་འགྲན་ཚོགས་མཆོང་རྒྱུག་འཕེན་གསུམ་གྱི་སྐྱེས་པའི་སྤྱི་ལེ་20ཡི་འགྲོས་རྩལ་འགྲན་བསྡུར་ནང་ཝང་ཀྲེན་དང་ཚའེ་ཙེ་ལིན་གཉིས་ཀྱིས་ཕན་ཚུན་གཞོགས་འདེགས་དམ་ཟབ་བྱས་པས་ཁོང་གཉིས་ཀྱི་གོམ་སྟབས་ཀྱང་བརྟན་པོ་བྱུང་ཞིང་། མཐའ་མའི་སྤྱི་ལེ་གསུམ་གྱི་མཚམས་སུ་སླེབས་སྐབས་ཁོང་གཉིས་གཞི་ནས་ཚོགས་རུ་དང་པོ་ནས་འབུར་དུ་ཐོན་པ་རེད། མཐར་ཝང་ཀྲེན་ལ་ཆུ་ཚོད་1དང་སྐར་མ་19སྐར་ཆ་14ཡི་གྲུབ་འབྲས་ཐོག་ནས་གསེར་གྱི་རྟགས་མ་ཐོབ་པ་དང་། ཚའེ་ཙེ་ལིན་ལ་ཝང་ཀྲེན་ལས་སྐར་ཆ་12དལ་བའི་གྲུབ་འབྲས་ཐོག་ནས་དངུལ་གྱི་རྟགས་མ་ཐོབ་པ་རེད། འདི་ནི་ས་གནས་དེ་གའི་དུས་ཚོད་ཚེས་12ཉིན་ཀྲུང་གོའི་བདམས་ཐོན་པ་ཝང་ཀྲེན(གཡོན)གྱིས་རྒྱུགས་མཐའི་ཐིག་བསྒྲལ་རྗེས་འཐབ་གྲོགས་ཚའེ་ཙེ་ལིན(གཡས)དང་མཉམ་དུ་རྟེན་འབྲེལ་ཞུ་བའི་གནས་ཚུལ་ཡིན་པ།