༄༅།།ཀྲུང་གོའི་རིག་དངོས་བྱ་གཞག་ཁྱོན་ཡོངས་ནས་འཕེལ་རྒྱས་མགྱོགས་མྱུར་ཕྱིན་པ།

     2014ལོའི་ཟླ་3ཚེས་18ཉིན་ཏ་ཙུའུ་ཡི་རྡོ་བརྐོས་སྤྱན་རས་གཟིགས་ཕྱག་སྟོང་སྤྱན་སྟོང་གི་སྐུ་འདྲ་ཉམས་གསོ་མི་སྣ་ཞིག་གིས་གསེར་ཤོག་བླངས་འཕྲོའི་སྐུ་འདྲར་ཞིབ་བཤེར་བྱེད་བཞིན་ཡོད་པ། 
     རིག་དངོས་ནི་སླར་སྐྱེས་མི་ཐུབ་པའི་རིག་གནས་ཐོན་ཁུངས་ཤིག་ཡིན་པ་དང་། ཀྲུང་ཧྭ་མི་རིགས་མི་རབས་ནས་མི་རབས་རྒྱུན་མ་ཆད་པར་འཕེལ་རྒྱས་རྒྱ་སྐྱེད་ཕྱིན་པའི་དངོས་རྫས་དཔང་པོ་ཡིན་ལ། ཕུལ་བྱུང་གི་སྲོལ་རྒྱུན་རིག་གནས་རྒྱུན་འཛིན་བྱེད་པའི་ལོ་རྒྱུས་ཀྱི་རྩ་བའང་ཡིན། "ལོ་ལྔ་ཚན་བཅུ་གཉིས་པའི"སྐབས་སུ། རང་རྒྱལ་གྱི་རིག་དངོས་བྱ་གཞག་ཁྱོན་ཡོངས་ནས་འཕེལ་རྒྱས་མགྱོགས་མྱུར་འགྲོ་བའི་དུས་སྐབས་སུ་བསྐྱོད་པ་རེད། ས་གནས་ཁག་དང་སྡེ་ཁག་སོ་སོས་རིག་དངོས་སྲུང་སྐྱོང་དང་དོ་དམ་ཆུ་ཚད་ཁྱོན་ཡོངས་ནས་མཐོར་འདེགས་བཏང་སྟེ། རིག་དངོས་ཐོན་ཁུངས་ཡོངས་ཁྱབ་ཞིབ་བཤེར་དང་། རིག་གནས་ཤུལ་བཞག་སྲུང་སྐྱོང་། གནའ་རྫས་རྐོ་འཚོལ། རྟེན་རྫས་བཤམས་མཛོད་ཁང་འཛུགས་སྐྲུན་སོགས་ཀྱི་ཐད་ལ་གྲུབ་འབྲས་འབུར་ཐོན་ཐོབ་པ་དང་། ཁྲིམས་འཛིན་ལྟ་སྐུལ་དང་དོ་དམ་མ་ལག་རིམ་བཞིན་ཆགས་ནས་རིག་དངོས་བྱ་གཞག་ལ་གྲུབ་འབྲས་གསར་པ་ཐོབ་པ་རེད།