༄༅།།བོད་རང་སྐྱོང་ལྗོངས་མི་དམངས་འཐུས་ཚོགས་ཀྱི་རྒྱུན་ལས་ཨུ་ལྷན་གྱི་མི་སྣ་བསྐོ་འཐེན་གྱི་མིང་ཐོ།

     མི་དམངས་དྲ་བའི་འཕྲིན། 2016ལོའི་ཟླ་3ཚེས་30ཉིན་བོད་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་སྐབས་བཅུ་པའི་རྒྱུན་ལས་ཨུ་ཡོན་ལྷན་ཚོགས་ཀྱི་གྲོས་ཚོགས་ཐེངས་23པའི་ཐོག་གྲོས་འཆམ་བྱུང་བ།
     ཉི་མ་ཚེ་རིང་གི་བོད་རང་སྐྱོང་ལྗོངས་རིག་གནས་ཐིང་གི་ཐིང་ཀྲང་གི་གོ་གནས་འཐེན་རྒྱུ་དང་། གངས་ཆེན་གྱི་བོད་རང་སྐྱོང་ལྗོངས་ཚན་རིག་ལག་རྩལ་ཐིང་གི་ཐིང་ཀྲང་གི་གོ་གནས་འཐེན་རྒྱུའི་གྲོས་ཐག་བཅད་པ།
     ལིའུ་ཅང་བོད་རང་སྐྱོང་ལྗོངས་མི་དམངས་སྲིད་གཞུང་གི་ཀྲུའུ་ཞི་གཞོན་པར་བསྐོ་རྒྱུ་དང་། ཝངས་ཧའེ་ཀྲོའུ་བོད་རང་སྐྱོང་ལྗོངས་མི་དམངས་སྲིད་གཞུང་གི་ཀྲུའུ་ཞི་གཞོན་པར་བསྐོ་རྒྱུ། གངས་ཆེན་བོད་རང་སྐྱོང་ལྗོངས་རིག་གནས་ཐིང་གི་ཐིང་ཀྲང་ལ་བསྐོ་རྒྱུ། འཕྲིན་ལས་དབང་རྒྱལ་བོད་རང་སྐྱོང་ལྗོངས་ཚན་རིག་ལག་རྩལ་ཐིང་གི་ཐིང་ཀྲང་ལ་བསྐོ་རྒྱུ་བཅས་གྲོས་ཐག་བཅད་པ།