༄༅།།རྒྱལ་སྤྱིའི་དགུན་དུས་ཀྱི་རྨ་ཆུ་མྱུར་བརྒལ་མཐར་སོན་འགྲན་སློང་འགྲན་བསྡུར་མཚོ་སྔོན་དུ་
འགོ་འཛུགས་ཉེར་ཡོད་པ།

     མི་དམངས་དྲ་བའི་འཕྲིན། ཟླ་12ཚེས་28ཉིན་གསར་འགོད་པར་མཚོ་སྔོན་ཞིང་ཆེན་ལུས་རྩལ་ཅུས་ཀྱིས་འཚོགས་པའི་གསར་འགྱུར་ཡོངས་བསྒྲགས་ཚོགས་འདུའི་ཐོག་ཤེས་རྟོགས་བྱུང་བར། 2016ལོའི་ཀྲུང་གོ·མཚོ་སྔོན་རྒྱལ་སྤྱིའི་དགུན་དུས་ཀྱི་རྨ་ཆུ་མྱུར་བརྒལ་མཐར་སོན་འགྲན་སློང་ལེགས་ཐོན་འགྲན་བསྡུར་དེ་2016ལོའི་ཟླ་1ཚེས་8ཉིན་ནས་ཚེས་10ཉིན་བར་ས་མཐོའི་རྨ་ཆུའི་ཉེ་འགྲམ་དུ་གནས་པའི་ཁྲི་ཀ་རྫོང་དུ་གཉེར་རྒྱུ་ཡིན་པ་དང་། སྐབས་དེར་འཛམ་གླིང་ས་ཆ་ཁག་གི་དགུན་དུས་ཆུ་རྐྱལ་རྒྱག་རྒྱུར་དགའ་པོ་བྱེད་མཁན་རྣམས་རྨ་ཆུར་ཛ་དྲག་གི་འགྲན་བསྡུར་བྱ་རྒྱུ་རེད།
     ཤེས་རྟོགས་བྱུང་བར་གཞིགས་ན། ད་ཐེངས་ཀྱི་འགྲན་བསྡུར་ཆེ་མོ་དེས་ཨུ་རུ་སུ་དང་། འཇར་མན། དབྱི་ཐ་ལི། ཧྥ་རན་སེ། ཨོ་སི་ཁྲུ་ལི་ཡ། འཁྱག་གླིང་། སུའེ་ཏེན། དབྱིན་ཇི། སི་ཕེན་སོགས་རྒྱལ་ཁབ་དང་ས་ཁུལ་14ཡི་བདམས་ཐོན་པ་74ཡི་ཡིད་དབང་བཀུག་པ་དང་། འགྲན་བསྡུར་ལ་མིང་ཐོ་འགོད་པའི་བདམས་ཐོན་པའི་གྲངས་འབོར་སྐབས་རིམ་བྱུང་གི་འགྲན་བསྡུར་ཁྲོད་ནས་མང་ཤོས་ཡིན་ཞིང་། ད་ཐེངས་འགྲན་བསྡུར་ལ་ཞུགས་པའི་བདམས་ཐོན་པའི་ཁྱབ་ཁོངས་ཀྱང་མེ་གླིང་ལྷོ་མ་བར་ཐོག་མར་རྒྱ་སྐྱེད་བྱུང་ཡོད་པ་རེད།
     རྒྱལ་སྤྱིའི་དགུན་དུས་ཀྱི་རྨ་ཆུ་མྱུར་བརྒལ་མཐར་སོན་འགྲན་སློང་འགྲན་བསྡུར་སྐབས་ལྔ་གྲུབ་འབྲས་ཐོབ་པའི་ངང་གཉེར་བ་དང་ས་བབ་མཐོ་བ་དང་། ཆུ་ཆེ་བ། ཆུ་རྐྱལ་རྒྱང་ཐག་རིང་བ་སོགས་རྒྱུ་རྐྱེན་དག་ལས་འགྲན་བསྡུར་དེར་རྒྱལ་ནང་གི་ཡོངས་བསྒྲགས་ཆུ་ཁོངས་ཀྱི་དགུན་དུས་ཆུ་རྐྱལ་འགྲན་བསྡུར་ཁྲོད་དམིགས་བསལ་གྱི་ཁྱད་ཆོས་ལྡན་ཡོད་པ་རེད།