༄༅།།ཉིན་བྱེད་དབང་པོ་ཤར་རིའི་སྤོ་ནས་ཤར། གངས་ལྗོངས་དམངས་ཀྱི་སེམས་པ་ཏང་ལ་ཕྱོགས།

     མི་དམངས་དྲ་བའི་འཕྲིན། ལྷ་ས་སྐྱིད་ཆུའི་རོང་གཞུང་ནས་བྱང་རྩྭ་ཐང་བར་དང་། མངའ་རིས་ས་མཐོ་ནས་སྔོ་ལྗང་གིས་བསྐོར་བའི་ཉིང་ཁྲི་བར། ཡར་ཀླུང་གཙང་འགྲམ་ནས་གཙང་གསུམ་གྱི་ས་གཞི་ཆེན་པོའི་བར་བཅས་སུ་གངས་ལྗོངས་ས་མཐོའི་མི་རིགས་ཁག་གི་བུ་ཕྲུག་ཚོས་གཉེན་ཉེ་ཚོ་ཕེབས་སྒུག་ཚད་མེད་ཞུ་བཞིན་ཡོད།
     ཟླ་9ཚེས་6ཉིན་ནི་དམིགས་བསལ་གྱི་ཉིན་ཞིག་རེད་ལ་དགའ་སྟོན་གྱི་དུས་ཆེན་ཞིག་ཀྱང་རེད། དེ་ཉིན་ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་རྒྱུན་ཨུ། རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཡུས་ཀྲེང་ཧྲེང་གིས་ཚོགས་གཙོ་གནང་བའི་ཀྲུང་དབྱང་སྐུ་ཚབ་ཚོགས་པ་ལྷ་སར་ཕེབས་འབྱོར་ཟིན་ནས་བོད་རང་སྐྱོང་ལྗོངས་དབུ་བརྙེས་ནས་ལོ་50འཁོར་བའི་རྟེན་འབྲེལ་མཛད་སྒོར་ཞུགས་རྒྱུ་ཡིན་པ་རེད། བོད་ཀྱི་མི་རིགས་ཁག་གི་མང་ཚོགས་ཀྱིས་ཀྲུང་དབྱང་སྐུ་ཚབ་ཚོགས་པར་སྤྲོ་སེམས་འཁོལ་བའི་དགའ་བསུ་ཞུ་བ།