༄༅།།"ལྷའི་ཕོ་ཉའི་འགྲུལ་བཞུད། བོད་ལྗོངས་སུ་བསྐྱོད་པ" གངས་ལྗོངས་ས་མཐོ་ལ་
གཅེས་སེམས་ཕུལ་བ། 

     མི་དམངས་དྲ་བའི་འཕྲིན། བོད་རང་སྐྱོང་ལྗོངས་དབུ་བརྙེས་ནས་ལོ་ངོ་50འཁོར་བའི་སྐབས་སུ་ཀྲུང་གོའི་རྒྱ་གྲམ་དམར་པོའི་ཐེབས་རྩ་ལྷན་ཚོགས་ཀྱིས་པེ་ཅིང་ཁྲེང་ལུང་དགེ་སྒྲུབ་ཐེབས་རྩ་ལྷན་ཚོགས་དང་ཧྲང་ཧའེ་གྲོང་ཁྱེར་ན་གཞོན་མཉམ་འབྲེལ་ལྷན་ཚོགས་གཉིས་ཀྱིས་མཉམ་འབྲེལ་བྱས་ནས་བོད་ལྗོངས་ལྷ་སར་“ལྷའི་ཕོ་ཉའི་འགྲུལ་བཞུད། བོད་ལྗོངས་སུ་བསྐྱོད་པ།” ཞེས་པའི་རོགས་སྐྱོར་བྱེད་སྒོ་སྤེལ་ནས་མི་དམངས་ཤོག་སྒོར་སྒོར་ཁྲི་200ཕུལ་ནས་བོད་ལྗོངས“4•25”ས་ཡོམ་གྱི་གནོད་སྐྱོན་བྱུང་རྗེས་ཀྱི་བསྐྱར་བསྐྲུན་ལ་སྤྱོད་རྒྱུ་མ་ཟད། ཟླ་8ཚེས་20ཉིན་འཚམས་འདྲི་ཚོགས་པ་སྒྲིག་འཛུགས་བྱས་ཏེ་ལྷ་ས་གྲོང་ཁྱེར་དུ་ཞལ་འདེབས་བརྒྱབ་ནས་འཛུགས་སྐྲུན་ལ་རོགས་སྐྱོར་བྱེད་པའི་མཛད་སྒོ་སྤེལ་ཏེ་བོད་རང་སྐྱོང་ལྗོངས་ཀྱི་བྱིས་པའི་ཕན་བདེ་ཁང་དང་བོད་ལྗོངས་ལྷ་ས་གྲོང་ཁྱེར་སྟག་རྩེ་རྫོང་གི་གསེར་གྱི་ལོ་མ་རྒན་གསོ་ཁང་གི་དྭ་ཕྲུག་དང་དབང་བོ་སྐྱོན་ཅན་གྱི་བྱིས་པ་དང་།  རྟེན་མེད་ཁེར་ལུས་རྒན་རྒོན་སོགས་མི་200ལྷག་ལ་འཚམས་འདྲིའི་དངོས་ཟོག་བསྐྱལ་བ་རེད།