འཚོལ་བཤེར།   
藏文频道
2015ལོའི་ཟླ་5ཚེས་29ཉིན།
  • མི་དམངས་དྲ་བ།

    ༄༅།།གློག་བརྙན་<<ཐར་ལོའི་>>ཕབ་སྐྲུན་མཛད་སྒོ་ཁྲི་ཀ་ནས་བསྡུས་པ།

    གསར་འགྱུར་སྤེལ་དུས།  【2015ལོའི་ཟླ་ 05ཚེས་04ཉིན། 10:24】   (རྩོམ་སྒྲིག་འགན་འཁུར་པ། སྙིང་ལྕགས།)

     
    ༄༅།།གློག་བརྙན་<<ཐར་ལོའི་>>ཕབ་སྐྲུན་མཛད་སྒོ་ཁྲི་ཀ་ནས་བསྡུས་པ།
         མི་དམངས་དྲ་བའི་འཕྲིན། ཟླ་5ཚེས་1ཉིན་འཁྲབ་ཁྲིད་པ་པདྨ་ཚེ་བརྟན་གྱིས་འཁྲབ་ཁྲིད་བྱས་པའི་གློག་བརྙན་<<ཐར་ལོའི་>>ཕབ་སྐྲུན་མཛད་སྒོ་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་ཁྲི་ཀ་རྫོང་ལ་ཟེ་བ་གྲོང་རྡལ་མཛོ་སྣ་སྡེ་བར་གཟབ་རྒྱས་ངང་བསྡུས།
          གློག་བརྙན་འདི་ནི་པེ་ཅིན་ཐེན་ཧྭ་ཧྭ་ཐེན་གློག་བརྙན་འཕྲིན་ལས་རིགས་ཀུང་ཟི་སོགས་ཁེ་ལས་ཆེན་པོ་གསུམ་དང་མཉམ་འབྲེལ་བྱས་ནས་ཕབ་སྐྲུན་བྱེད་འཆར་ཡོད་ལ། བོད་ཀྱི་གློག་བརྙན་འཁྲབ་ཁྲིད་པ་དང་ཟློས་གར་འཁྲབ་སྟོན་པ་གྲགས་ཅན་ཞི་བདེ་ཉི་མ་དང་། མཚོ་སྔོན་གྱི་<<མེ་ཏོག་ཆུན་པོའི་>>གླུ་གར་འགྲན་སྡུར་ཁྲོད་མཚན་སྙན་འབར་བའི་གསར་སྐྱེས་གླུ་མ་དང་འཁྲབ་སྟོན་པ་གཡང་ཕྱུག་མཚོ། དེ་མིན་འཁྲབ་སྟོན་ལས་རིགས་ལ་བྱང་ཆ་ལྡན་པའི་སྒྱུ་རྩལ་པ་བཀྲ་ཤིས་དང་སྦྱིན་པ་སོགས་ཀྱིས་འཁྲབ་སྟོན་བྱ་རྒྱུ་རེད། གློག་བརྙན་<<ཐར་ལོ་>>ནི་འཁྲབ་ཁྲིད་པ་པདྨ་ཚེ་བརྟན་གྱིས་འཁྲབ་ཁྲིད་བྱས་པའི་བོད་སྐད་ཀྱི་གློག་བརྙན་ལྔ་བ་ཡིན་ལ། འདིར་གཙོ་བོ་ཕྱུགས་རྫི་ཐར་ལོ་སྡོད་དམངས་འཛིན་བྱང་ལེན་དུ་འགྲོ་བའི་ལམ་བར་དུ་འཕྲད་པའི་དགའ་སྐྱོ་འདྲེས་མའི་གཏམ་རྒྱུད་བཤད་ཡོད།
          གློག་བརྙན་འདིའི་བརྙན་ལེན་པ་ལིས་སོང་ཧྲི་དང་། སྒྲ་ལེན་པ་གདུགས་དཀར་ཚེ་རིང་། མཛེས་རིས་པ་སྟག་རྩེ་དོན་གྲུབ། གློག་འོད་ཀུའུ་ཁྲུང་དང་གཟབ་སྤྲས་པ་དཔལ་གཡང་མཚོ་བཅས་རེད།
          གློག་བརྙན་འདིའི་འཁྲབ་གཞུང་རྩོམ་སྒྲིག་པ་དང་འཁྲབ་ཁྲིད་པ་པདྨ་ཚེ་བརྟན་གྱིས་བཤད་རྒྱུར། གློག་བརྙན་འདི་ནི་གཙོ་བོ་ཁོ་རང་ཉིད་ཀྱི་ཕ་ཡུལ་མཛོ་སྣ་སྡེ་བར་བརྙན་ཕབ་བྱ་རྒྱུ་ཡིན་ལ། ཁོའི་རེ་བ་ཡིན་ན་གློག་བརྙན་འདི་བརྒྱུད་ནས་ཕ་ཡུལ་ལ་བཅངས་བའི་བརྩེ་བ་དང་དྲན་གདུང་མཚོན་ཅི་ཐུབ་བྱེད་པ་དང་། དེ་དང་ཆབས་ཅིག་གློག་བརྙན་འདི་གློག་བརྙན་སྔོན་མ་དག་ལས་ཐོད་བརྒལ་བྱུང་སྟེ་གཟིགས་མཁན་ཀུན་གྱི་སྤྱན་སྔར་འབུལ་ཐུབ་པ་བྱ་རྒྱུ་དེ་ཡིན་ཟེར། ༼ འབྱུང་ཁུངས། མཚོ་སྔོན་བོད་སྐད་དྲ་ལམ་རྒྱང་སྒྲོག་བརྙན་འཕྲིན་ཁང་། ༽
    ༄༅།།གློག་བརྙན་<<ཐར་ལོའི་>>ཕབ་སྐྲུན་མཛད་སྒོ་ཁྲི་ཀ་ནས་བསྡུས་པ།
    ༄༅།།གློག་བརྙན་<<ཐར་ལོའི་>>ཕབ་སྐྲུན་མཛད་སྒོ་ཁྲི་ཀ་ནས་བསྡུས་པ།
      

    ཕྱོགས་བསྡུས་གསར་འགྱུར།