༄༅།།ཏང་གི་བཀའ་དྲིན་དྲན་ནས་ཏང་གི་རྗེས་སུ་འབྲངས་པ།
གསར་འགྱུར་སྤེལ་དུས། 【2015ལོའི་ཟླ་ 03ཚེས་26ཉིན། 11:29】 (རྩོམ་སྒྲིག་འགན་འཁུར་པ། སྙིང་ལྕགས།)
མི་དམངས་དྲ་བའི་འཕྲིན། “བོད་ལྗོངས་ཀྱི་ཞིང་བྲན་ཁྲི་ཚོ་བརྒྱར་ཡར་ལངས་བཅིངས་འགྲོལ་ཐོབ་པའི་དྲན་གསོའི་ཉིན་མོར”རྟེན་འབྲེལ་ཞུས་ནས་རྒྱལ་སྨན་གྲོང་ཚོའི་ཞིང་འབྲོག་པའི་ཏང་གཅེས་དང་། རྒྱལ་གཅེས། ཕ་ཡུལ་ལ་གཅེས་པའི་སྤྲོ་བ་སྔར་བས་འཕེལ་ཐུབ་ཆེད། ཟླ་3ཚེས་19ཉིན་ལྷོ་ཁ་ས་ཁུལ་འཕྱོངས་རྒྱས་རྫོང་རྒྱལ་སྨན་ཤང་རྒྱལ་སྨན་གྲོང་ཚོའི་ལས་དོན་རུ་ཁག་(བོད་རང་སྐྱོང་ལྗོངས་སྲིད་གཞུང་གཞུང་དོན་ཐིང་གིས་མངགས)གིས་རྒྱལ་སྨན་གྲོང་ཚོའི“ཨུ་ལྷན་གཉིས”ཀྱི་ཚན་ཁག་དང་མཉམ་དུ་རྒྱལ་དར་སྒྲེང་བ་དང་། རྒྱལ་གླུ་གཏོང་བ། བོད་གསར་རྙིང་བསྡུར་བའི་པར་རིས་འགྲེམས་སྟོན་བྱེད་པ། ཏང་ཞུགས་དམ་བཅའ་བསྐྱར་བསྒྲགས། མང་ཚོགས་རང་ཉིད་ཀྱིས་རང་རྩོམ་རང་འཁྲབ་ཀྱི་རིག་རྩལ་འཁྲབ་སྟོན་བྱེད་པ་སོགས་ཀྱི་བྱེད་སྒོ་རབ་དང་རིམ་པ་སྤེལ་ཞིང་། འདི་ནི་རྒྱལ་སྨན་གྲོང་ཚོའི་མང་ཚོགས་ཀྱིས་རིག་རྩལ་འཁྲབ་སྟོན་ལ་ལྟ་བཞིན་པ།