༄༅།།སློབ་ཆུང་སློབ་མར་གནམ་གཤིས་ཚན་རིག་ཤེས་བྱ་འཆད་ཁྲིད་བྱས་པ།

     མི་དམངས་དྲ་བའི་འཕྲིན། ཀྲུང་གོ་གནམ་གཤིས་ཚགས་པར་ཐོག་གནས་ཚུལ་སྤེལ་བ་གཞིར་བཟུང་། སྤྱི་ཟླ་3ཚེས་20ཉིན་བོད་རང་སྐྱོང་ལྗོངས་གནམ་གཤིས་རིག་གཞུང་ལྷན་ཚོགས་ཀྱིས་གནམ་གཤིས་རིགས་གཅིག་མཁས་པ་སྒྲིག་འཛུགས་བྱས་ཏེ་ལྷ་ས་གྲོང་ཁྱེར་ཚོད་ལྟའི་སློབ་ཆུང་དུ་བསྐྱོད་ནས་སློབ་གྲྭ་དེའི་ལོ་རིམ་བཞི་པའི་འཛིན་གྲྭ་བཞི་པའི་དགེ་སློབ་ཚོར“གནམ་གཤིས་འགྱུར་ལྡོག་ལ་རང་ཉིད་ནས་ཁ་གཏད་གཅོག་འགོ་འཛུགས་པ”ཞེས་པ་བརྗོད་དོན་གཙོ་བོར་བྱས་པའི་གནམ་གཤིས་ཚན་རིག་ཤེས་བྱ་འཆད་ཁྲིད་བྱས་པ་དང་སྦྲགས། སློབ་མ་ཚོར་ཚན་རིག་ཤེས་བྱ་ཁྱབ་གདལ་གྱི་སློབ་དེབ་ཀྱང་སྤྲད་ནས“3•23འཛམ་གླིང་གནམ་གཤིས་ཉིན་མོའི”རིམ་སྤེལ་ཚན་རིག་ཤེས་བྱ་ཁྱབ་གདལ་བྱེད་སྒོ་སྤེལ་འགོ་བརྩམས་པ་རེད།