༄༅།།བོད་ཀྱི་<<རླུང་ཁམས་ཆེ་མོའི་ཚན་རིག་བརྡ་ཆད་>>ཀྱི་རྒྱ་བོད་ཤན་སྦྱར་ཚིག་མཛོད་
ཐོག་མ་འགྲེམས་སྤེལ་བྱས་པ།

     མི་དམངས་དྲ་བའི་འཕྲིན། སྤྱི་ཟླ་3ཚེས་23ཉིན་བོད་རང་སྐྱོང་ལྗོངས་གནམ་གཤིས་ཅུས་ཀྱིས་<<རླུང་ཁམས་ཆེ་མོའི་ཚན་རིག་བརྡ་ཆད་>>ཀྱི་རྒྱ་བོད་ཤན་སྦྱར་ཚིག་མཛོད་ཐོག་མ་འགྲེམས་སྤེལ་གྱི་མཛད་སྒོ་ལྷ་ས་གྲོང་ཁྱེར་དུ་འཚོགས་པ་དང་། ཚིག་མཛོད་དེས་རླུང་ཁམས་ཆེ་མོའི་ཚན་རིག་གི་བོད་ཡིག་བརྡ་ཆད་ཞིབ་འཇུག་གི་སྟོང་ཆ་བསྐངས་ཏེ་རླུང་ཁམས་ཆེ་མོའི་ཚན་རིག་གི་བོད་སྐད་ཡིག་གི་བརྡ་ཆད་ཚད་དང་ལྡན་པ་ཞིག་ཡོང་རྒྱུར་སྐུལ་འདེད་ཐེབས་རྒྱུ་ཡིན་ཞིང་། འདི་ནི་<<རླུང་ཁམས་ཆེ་མོའི་ཚན་རིག་བརྡ་ཆད་>>རྩོམ་སྒྱུར་ཨུ་ལྷན་གྱི་ཀྲུའུ་རེན་བསོད་ནམས་རྡོ་རྗེས་ཚིག་མཛོད་འགྲེམས་སྤེལ་གྱི་མཛད་སྒོའི་ཐོག་ཚིག་མཛོད་དེ་ངོ་སྤྲོད་གནང་བཞིན་པའི་གནས་ཚུལ་ཡིན་པ།