གསར་འགྱུར་སྤེལ་དུས། 【2015ལོའི་ཟླ་ 03ཚེས་16ཉིན། 14:28】 (རྩོམ་སྒྲིག་འགན་འཁུར་པ། སྙིང་ལྕགས།)
མི་དམངས་དྲ་བའི་འཕྲིན། སྤྱི་ཟླ་3ཚེས་15ཉིན་གྱི་ཕྱི་དྲོར་ཀན་སུའུ་ཞིང་ཆེན་སྲིད་ཁྲིམས་ཁོངས་གཏོགས་ཀྱི་བོད་རྒྱ་སྐད་གཉིས་བཅའ་ཁྲིམས་ཟབ་སྦྱོང་བསླབ་དེབ་ཕྲེང་བསྟར་མའི་དཔེ་སྐྲུན་བཞུགས་མོལ་ཚོགས་འདུ་པེ་ཅིན་མི་རིགས་ཕོ་བྲང་དུ་འཚོགས་ཤིང་། ཆེས་མཐོའི་མི་དམངས་ཁྲིམས་ཁང་གི་འགོ་འཛིན་ཀྲོའུ་ཆང་དང་། རྒྱལ་ཡོངས་སྲིད་གྲོས་ཀྱི་ཀྲུའུ་ཞི་གཞོན་པ་དང་རྒྱལ་ཁབ་མི་རིགས་དོན་གཅོད་ཨུ་ལྷན་གྱི་ཀྲུའུ་རེན་ཝང་ཀྲེང་ཝེ་བཞུགས་མོལ་ཚོགས་འདུར་ཞུགས་པ་རེད།
བསླབ་དེབ་ཕྲེང་བསྟར་མ་འདིར་<<རྩ་ཁྲིམས་བསླབ་དེབ་>>དང་། <<ཉེས་ཁྲིམས་བསླབ་དེབ།>> <<དམངས་ཁྲིམས་བསླབ་དེབ་>>སོགས་བསླབ་དེབ་10ཡོད་ཅིང་། ཀན་སུའུ་ཞིང་ཆེན་མཐོ་རིམ་མི་དམངས་ཁྲིམས་ཁང་གིས་ནུབ་བྱང་མི་རིགས་སློབ་ཆེན་དང་ཀན་སུའུ་མི་རིགས་དགེ་འོས་སློབ་གླིང་སོགས་ཞིང་ཆེན་ཁོངས་གཏོགས་ཀྱི་སློབ་ཆེན་དང་སློབ་གླིང་ལ་མངགས་བཅོལ་བྱས་ཏེ་ཁྲིམས་ལུགས་ཀྱི་བྱང་ཚད་མཐོན་པོ་ལྡན་པ་དང་བོད་རྒྱ་སྐད་ཡིག་གཉིས་ཀ་བྱང་ཆུབ་པའི་མཁས་པ་སྒྲིག་འཛུགས་བྱས་ནས་ལོ་གཅིག་ལྷག་ཙམ་གྱི་དུས་ཚོད་སྤྱད་དེ་རྩོམ་སྒྱུར་གནང་གྲུབ་ཅིང་། མི་རིགས་དཔེ་སྐྲུན་ཁང་གིས་དཔེ་སྐྲུན་འགྲེམས་སྤེལ་བྱས་པ་རེད།
【1】
【2】
【3】