༄༅།།ཀྲུང་གོའི་ཆེད་མཁས་པ་ཚོགས་ཆུང་ཧིན་རྡུ་ཉི་ཞི་ཡར་འབྱོར་ཏེ་ཨེ་ཤེ་ཡ་མཁའ་འགྲུལ་
ཀུང་སིའི་འབྲེལ་ཆད་གནམ་གྲུ་བཙལ་རོགས་བྱ་རྒྱུ་ཡིན་པ།

     མི་དམངས་དྲ་བའི་འཕྲིན། ཟླ་1ཚེས་6ཉིན་ཀྲུང་གོའི་དམངས་སྤྱོད་མཁའ་འགྲུལ་ཅུས་ཀྱི་ཆེད་མཁས་པ་ཚོགས་ཆུང་ཧིན་རྡུ་ཉི་ཞི་ཡ་རྒྱལ་ཁབ་ཏུ་འབྱོར་ནས་ཨེ་ཤེ་ཡ་མཁའ་འགྲུལ་ཀུང་སིའི་འབྲེལ་ཆད་འགྲུལ་སྐྱེལ་གནམ་གྲུ་QZ8501ཡི་སྒམ་ཆུང་ནག་པོ་བཙལ་རོགས་བྱ་རྒྱུ་རེད། ཆེད་མཁས་པ་ཚོགས་ཆུང་གིས་ཆེད་ལས་ཀྱི་བཙལ་འཚོལ་འཕྲུལ་ཆས་ཁྱེར་ཡོད་ཅིང་རོགས་སྐྱོབ་ལྟེ་གནས་སུ་འབྱོར་རྗེས་ས་གནས་དེ་གའི་དངོས་ཡོད་གནས་ཚུལ་ལ་གཞིགས་ནས་འབྲེལ་ཆད་གནམ་གྲུའི་སྒམ་ཆུང་ནག་པོ་སོགས་བཙལ་འཚོལ་ཇུས་གཞི་ཞིབ་ཕྲ་འགོད་པར་ཞུགས་རྒྱུ་རེད།