༄༅།།བོད་ལྗོངས་མཐའ་མཚམས་སུ“ཉེན་བརྡ་གཏོང་སྟེགས”ཀྱི་རྒྱུན་ཤེས་དྲིལ་བསྒྲགས་བྱས་པ།

   མི་དམངས་དྲ་བའི་འཕྲིན། ཟླ་1ཚེས་5ཉིན་བོད་ལྗོངས་སྤྱི་བདེ་མཐའ་སྲུང་སྤྱི་ཁྱབ་རུ་ཁག་གཉའ་ལམ་མཐའ་སྲུང་ཞིབ་བཤེར་ས་ཚིགས་ཀྱིས་མཐའ་མཚམས་འགྲམ་གྲོང་རྡལ་དང་། དེའི་ཉེ་འཁོར་གྱི་ཚོང་ཁང་ཁག་ལ“གངས་ལྗོངས་མཐའ་སྲུང་ཞིབ་བཤེར་110ཉེན་བརྡ་གཏོང་སྟེགས”ཀྱི་རྒྱུན་ཤེས་དྲིལ་བསྒྲགས་བྱེད་སྒོ་སྤེལ་ཏེ་ཡུལ་སྐོར་བ་དང་མཐའ་མཚམས་ས་ཁུལ་གྱི་གྲོང་མི། དེར་སྡོད་ཚོང་པ་སོགས་ལ“110ཉེན་བརྡ་གཏོང་སྟེགས”ཀྱི་ནུས་པ་དང་བཀོལ་སྤྱོད་བྱེད་སྟངས་དྲིལ་བསྒྲགས་བྱས་པ་རེད།