༄༅།།ཝུའུ་ཧན་གྲོང་ཁྱེར་གྱི་ཉེན་རྟོག་པས་མེ་འཁོར་སྤ་སེ་རྫུས་མ་ལྐོག་ཚོང་རྒྱག་མཁན་སྐོར་ཞིག་
འཛིན་བཟུང་བྱས་པ།

      མི་དམངས་དྲ་བའི་འཕྲིན། ཉེ་ཆར་ཝུའུ་ཧན་གྲོང་ཁྱེར་གྱི་ཉེན་རྟོག་པས་མེ་འཁོར་སྤ་སེ་རྫུས་མ་ལྐོག་ཚོང་རྒྱག་མཁན་སྐོར་ཞིག་འཛིན་བཟུང་བྱས་པ་དང་། ཉེན་རྟོག་པས་ཁོ་ཚོའི་སྡོད་གནས་སུ་མེ་འཁོར་སྤ་སེ་རྫུས་མ་18དང་། མེ་འཁོར་སྤ་སེ་རྫུས་མ་བཟོས་བྱེད་ཀྱི་ཤོག་ལེབ་6005  མེ་འཁོར་སྤ་སེ་རྙིང་བ་275 ཐམ་ག་རྫུས་མ་30  དེ་མིན་གློག་ཀླད་དང་བརྙན་དཔར་འཕྲུལ་ཆས་སོགས་འཚོལ་རྙེད་བྱུང་བ་རེད། ཝུའུ་ཧན་ཉེན་རྟོག་པས་བསྟན་དོན། མིག་སྔར་དཔྱིད་གསར་དུས་ཆེན་འཆར་ལ་ཉེ་བས། ཉེན་རྟོག་སྡེ་ཚན་གྱིས་སྤ་སེ་རྫུས་མ་ལྐོག་ཚོང་རྒྱག་པ་སོགས་ཁྲིམས་འགལ་གྱི་བྱ་སྤྱོད་ཁག་ལ་རྡུང་རྡེག་ཚ་ནན་གཏོང་རྒྱུ་ཡིན།