༄༅།།བོད་ལྗོངས་ཀྱི་གྲྭ་བཙུན་བརྒྱད་སྟོང་ལྷག་ལ་རྒྱལ་གཅེས་ཁྲིམས་སྲུང་གི་མཚན་སྙན་གནང་བ།
གསར་འགྱུར་སྤེལ་དུས། 【2014ལོའི་ཟླ་ 12ཚེས་23ཉིན། 10:03】 (རྩོམ་སྒྲིག་འགན་འཁུར་པ། ལྷ་ལུང་།)
མི་དམངས་དྲ་བའི་འཕྲིན། སྤྱི་ཚེས་༢༢ཉིན་བོད་ལྗོངས་ཀྱིས་ཚོགས་ཆེན་ཚོགས་ནས་སྤྱི་ལོ་༢༠༡༤ལོའི་ལྗོངས་ཧྲིལ་བོའི་འཆམ་མཐུན་དཔེ་མཚོན་དགོན་པ་དང་རྒྱལ་གཅེས་ཁྲིམས་སྲུང་གི་སྔོན་ཐོན་གྲྭ་བཙུན་ལ་གཟེངས་བསྟོད་གནང་བ་རེད། དེ་དང་དུས་མཚུངས་སུ་དགོན་པའི་དོ་དམ་ཨུ་ཡོན་ལྷན་ཁང་༡༥༨སྤྱི་ལོ་༢༠༡༤ལོའི་བོད་ལྗོངས་ཀྱི་སྔོན་ཐོན་དགོན་པའི་དོ་དམ་ཨུ་ཡོན་ལྷན་ཁང་ལ་བདམས་པ་དང་། མི་དགུ་བརྒྱ་སྤྱི་ལོ་༢༠༡༤ལོའི་བོད་ལྗོངས་ཀྱི་དགོན་པར་བཅའ་སྡོད་ཕུལ་བྱུང་ལས་བྱེད་པར་བདམས་པ། མི་བརྒྱ་ སྤྱི་ལོ་༢༠༡༤ལོའི་བོད་ལྗོངས་ཀྱི་ཆོས་ལུགས་ལས་དོན་ཐད་ཀྱི་ཕུལ་བྱུང་ལས་བྱེད་པར་བདམས་ཡོད་པ་རེད།