ཟླ་12ཚེས་20ཉིན་གྱི་སྔ་དྲོར། ཨའོ་མོན་མེས་རྒྱལ་གྱི་པང་དུ་ལོག་ནས་ལོ་15འཁོར་བ་དང་ཨའོ་མོན་དམིགས་བསལ་སྲིད་འཛིན་ཁུལ་གྱི་སྐབས་བཞི་པའི་སྲིད་གཞུང་གི་འགན་བཞེས་མཛད་སྒོ་ཨའོ་མོན་དུ་གཟབ་རྒྱས་ངང་འཚོགས། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅིའམ་རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་དོན་ཨུ་ལྷན་གྱི་ཀྲུའུ་ཞི་ཞིས་ཅིན་ཕིང་མཛད་སྒོར་ཞུགས་པ་དང་གསུང་བཤད་གལ་ཆེན་གནང་། ཁོང་གིས་ཀྲུང་དབྱང་སྲིད་གཞུང་དང་ཨའོ་མོན་དམིགས་བསལ་སྲིད་འཛིན་ཁུལ། དེ་བཞིན་སྤྱི་ཚོགས་ལས་རིགས་ཁག་གིས་ཐུན་མོང་ཐོག་འབད་བརྩོན་དང་། རྒྱལ་ཡོངས་མི་དམངས་ཀྱིས་རྒྱབ་སྐྱོར་ཤུགས་ཆེན་འོག་༼རྒྱལ་ཁབ་གཅིག་ལ་ལམ་ལུགས་གཉིས་༽ཀྱི་སྲིད་ཇུས་ཨའོ་མོན་དུ་དོན་འཁྱོལ་དེ་བས་ཡག་པོ་བྱེད་ཐུབ་ངེས་ཡིན་ལ། ཨའོ་མོན་གྱི་འབྱུང་འགྱུར་ཡང་དེ་བས་མཛེས་སྡུག་ལྡན་པ་ཞིག་ཡིན་ཤ་སྟག་ཡིན་ཞེས་གསུངས།
 |
 |
|
