༄༅།།ཞིས་ཅིན་ཕིང་དམག་ཡོངས་ཀྱི་གོ་མཚོན་སྒྲིག་ཆས་ལས་དོན་ཚོགས་འདུར་ཞུགས་པ།

    མི་དམངས་དྲ་བའི་འཕྲིན། ཟླ་12ཚེས་3ཉིན་ནས་ཚེས་4ཉིན་བར། དམག་ཡོངས་ཀྱི་གོ་མཚོན་སྒྲིག་ཆས་ལས་དོན་ཚོགས་འདུ་པེ་ཅིང་དུ་འཚོགས། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅིའམ་རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་དོན་ཨུ་ལྷན་གྱི་ཀྲུའུ་ཞི་ཞིས་ཅིན་ཕིང་ཚོགས་འདུའི་ཐོག་གོ་མཚོན་ནི་དམག་དཔུང་དེང་རབས་ཅན་དུ་འགྱུར་རྒྱུའི་མཚོན་རྟགས་གལ་ཆེན་དང་། རྒྱལ་ཁབ་བདེ་འཇགས་དང་མི་རིགས་བསྐྱར་དར་ཡོང་རྒྱུའི་འདེགས་སྐྱོར་ནུས་ཤུགས་གལ་ཆེན་ཡིན་ཞེས་གསུངས་པ་རེད།