འཚོལ་བཤེར།   
藏文频道
2014ལོའི་ཟླ་12ཚེས་4ཉིན།
  • མི་དམངས་དྲ་བ།>>འཕྲིན་གསར་གཡུ་ཡི་མེ་ལོང་།

    ༄༅།།གཏན་འབེབས་བརྒྱད་ལག་བསྟར་བྱས་པའི་ལོ་གཉིས་ནང་མི་ཁྲི་8ལྷག་ཙམ་ཞིབ་བཤེར་
    ཐག་གཅོད་བྱས་པ།

    གསར་འགྱུར་སྤེལ་དུས།  【2014ལོའི་ཟླ་ 12ཚེས་04ཉིན། 08:48】   (རྩོམ་སྒྲིག་འགན་འཁུར་པ། ལྷ་ལུང་།)

     
        མི་དམངས་དྲ་བའི་འཕྲིན། ཀྲུང་དབྱང་གིས་ལས་ཀའི་སྤྱོད་ཚུལ་ལེགས་བཅོས་དང་མང་ཚོགས་དང་འབྲེལ་བ་དམ་ཟབ་བྱེད་དགོས་པའི་སྐོར་གྱི་གཏན་འབེབས་བརྒྱད་བཏོན་ནས་ལོ་གཉིས་སོང་ཚུན། རྒྱལ་ཡོངས་སུ་རིམ་བརྩིས་བྱས་ན་ཀྲུང་དབྱང་གི་གཏན་འབེབས་བརྒྱད་ཀྱི་དགོངས་དོན་དང་རྒྱབ་འགལ་བྱས་པའི་གནད་དོན་62404རྩད་གཅོད་ཐུབ་པ་དང་། མི་82533ལ་ཞིབ་བཤེར་ཐག་གཅོད་བྱས། དེ་དག་ཁྲོད་མི23259ལ་ཏང་ཁྲིམས་སྲིད་ཁྲིམས་ཀྱི་ཆད་པ་བཅད་ཡོད་པ་རེད།
          ཞིབ་བཤེར་ཐག་གཅོད་ཐུབ་པའི་མི་སྣའི་ཁྲོད། ལས་ཀའི་སྒྲིག་ཁྲིམས་ལས་འགལ་བའི་དབང་གིས་ཞིབ་བཤེར་ཐག་གཅོད་བྱས་པའི་མི་གྲངས་མང་ཤོས་ཡིན་པ་དང་། མི་གྲངས་38135ཟིན་ཡོད། གཞན་ཡང་གཏན་འབེབས་ལས་འགལ་ཏེ་གཞུང་སྤྱོད་རླངས་འཁོར་བེད་སྤྱོད་དང་། གཉེན་སྟོན་དང་གཤིན་པོའི་དུར་སྐྱེལ། དགའ་སྟོན་རྟེན་འབྲེལ་སོགས་ཤུགས་ཆེན་བྱེད་པ། གཞུང་གྲོན་བཏང་ནས་ཡུལ་སྐོར་དུ་འགྲོ་བ། གཞུང་དངུལ་སྤྱད་ནས་འཛད་སྤྱོད་མཐོ་བའི་རོལ་རྩེད་དང་ལུས་སྦྱོང་བྱེད་སྒོར་ཞུགས་པ། ཐ་ཤལ་དང་སྒྱིད་ལུག་སོགས་གནད་དོན་གྱིས་རྐྱེན་པས་ཞིབ་བཤེར་ཐག་གཅོད་བྱས་པའི་མི་གྲངས་ཡང་གྲངས་གནས་བཞི་ཡན་ཟིན་ཡོད་པ་རེད།
          ཞིབ་བཤེར་ཐག་གཅོད་བྱས་པའི་ལས་བྱེད་པའི་ཁྲོད། ཤང་དང་ཁོའོ་རིམ་པ་ཡན་གྱི་མི་གྲངས་མང་ཤོས་ཡིན་ཞིང་། མི་གྲངས78767ཟིན་པ་དང་། རྫོང་དང་ཁྲུའུ་རིམ་པ་ཡན་གྱི་མི་གྲངས3500ཡོད་པ། ས་གནས་དང་ཐིང་རིམ་པ་ཡན་གྱི་མི་གྲངས264ཟིན་པ། གཞན་ཡང་ད་དུང་ཞིང་ཆེན་དང་པུའུ་རིམ་པ་ཡན་གྱི་ལས་བྱེད་པ་གཉིས་ལ་ཏང་ཁྲིམས་སྲིད་ཁྲིམས་ཀྱི་ཆད་པ་ཕོག་ཡོད་པ་རེད།
      

    ཕྱོགས་བསྡུས་གསར་འགྱུར།