༄༅།།བོད་མཐའ་སྤྱི་ཚོགས་ཞིབ་འཇུག་གི་རིག་གཞུང་བགྲོ་གླེང་ཚོགས་འདུ་ཀྲུང་དབྱང་
མི་རིགས་སློབ་ཆེན་དུ་འཚོགས་པ།

     མི་དམངས་དྲ་བའི་འཕྲིན། ཟླ་༡༡ཚེས་༢༢ཉིན་ནས་ཚེས་༢༣ཉིན་བར་རང་རྒྱལ་གྱི་བོད་མཐའ་སྤྱི་ཚོགས་ཞིབ་འཇུག་གི་རིག་གཞུང་བགྲོ་གླེང་ཚོགས་འདུ་ཀྲུང་དབྱང་མི་རིགས་སློབ་ཆེན་དུ་འཚོགས་ཤིང་། ཚོགས་འདུའི་ཐོག་འབྲེལ་ཡོད་རིགས་གཅིག་མཁས་ཅན་དང་ཆེད་མཁས་པ་མང་པོ་མཉམ་འཛོམས་གནང་སྟེ་སོ་སོའི་ཞིབ་འཇུག་གི་ཁ་ཕྱོགས་དང་འབྲེལ་ནས་རང་ཉིད་ཀྱི་ལྟ་དགོངས་གསུང་གླེང་ལྷུག་པོར་གནང་བ་རེད། ཀྲུང་དབྱང་མི་རིགས་སློབ་ཆེན་གྱི་ཞིབ་འཇུག་སློབ་མ་དང་དངོས་གཞི་སློབ་མ། གཞན་སྤྱི་ཚོགས་སྟེང་གི་ལས་བྱེད་མི་སྣ་སོགས་མི་མང་པོ་ཞིག་ཀྱང་ཚོགས་འདུར་ཟུར་ཞུགས་གནང་ཡོད།