༄༅།།བོད་ལྗོངས་ཀྱི་གཞི་ཁྱོན་ཆེ་ཤོས་ཡིན་པའི་མང་ཚོགས་རིག་གནས་ལུས་རྩལ་ལྟེ་གནས་ལས་
མཇུག་འགྲིལ་བ་དང་འབྲེལ་ཞིབ་བཤེར་རྩིས་ལེན་ཡང་བྱས་པ།

     མི་དམངས་དྲ་བའི་འཕྲིན། ཉེ་ཆར་ཁྱོན་མ་འཇོག་སྒོར་དུང་ཕྱུར་༧.༣༥དང་བཟོ་སྐྲུན་གཞི་ཁྱོན་སྨི་ངོས་གྲུ་ཁྲི་༦.༨ལྷག་ཙམ་ཟིན་པའི་པེ་ཅིང་གི་རོགས་སྐྱོར་རྣམ་གྲངས་ཡིན་པའི་བོད་ལྗོངས་ལྷ་ས་གྲོང་ཁྱེར་མང་ཚོགས་རིག་གནས་ལུས་རྩལ་ལྟེ་གནས་ལས་མཇུག་འགྲིལ་བ་དང་འབྲེལ་ཞིབ་བཤེར་རྩིས་ལེན་ཡང་བྱས་པ་རེད། དེ་ནི་མིག་སྔར་བོད་ཀྱི་གཞི་ཁྱོན་ཆེ་ཤོས་དང་ནུས་པ་ཆེས་གཅིག་སྡུད་ཀྱི་མང་ཚོགས་རིག་གནས་ལུས་རྩལ་ལྟེ་གནས་ཤིག་རེད། ལྷ་སའི་སྣེའུ་ཁུལ་གསར་དུ་ཡོད་པའི་མང་ཚོགས་རིག་གནས་ལུས་རྩལ་ལྟེ་གནས་དེ་༢༠༡༢ལོའི་ཟླ་བདུན་པར་སྐྲུན་འགོ་ཚུགས་པ་དང་། མིག་སྔར་པེ་ཅིང་གིས་ལྷ་སར་སྐྲུན་རོགས་བྱས་པའི་རྣམ་གྲངས་ནང་རྣམ་གྲངས་རྐྱང་མའི་གཞི་ཁྱོན་ཆེ་ཤོས་དང་མ་འཇོག་བྱེད་མང་ཤོས་ཀྱི་རྣམ་གྲངས་ཤིག་ཡིན་པ་རེད།