༄༅།།ཁ་གཏད་བོད་སྐྱོར་བྱས་ནས་ལོ་༢༠འཁོར་བའི་སྙན་ཞུའི་ཚོགས་འདུ་དང་པོ་ཉིང་ཁྲིར་འཚོགས་པ།

     མི་དམངས་དྲ་བའི་འཕྲིན། ཁ་གཏད་བོད་སྐྱོར་བྱས་ནས་ལོ་༢༠འཁོར་བའི་སྐོར་སྐྱོད་སྒྲོག་འགྲེལ་ཚོགས་པའི་སྙན་ཞུའི་ཚོགས་འདུ་དང་པོ་དེ་ཉེ་ཆར་བོད་ལྗོངས་ཉིང་ཁྲི་ས་ཁུལ་དུ་འཚོགས་ཤིང་། སྙན་ཞུའི་ཚོགས་འདུའི་ཐོག་ཕྱོགས་མང་པོའི་ཐོག་ནས་ཁ་གཏད་བོད་སྐྱོར་བྱས་ནས་ལོ་༢༠རིང་གི་འགྲུབ་འབྲས་ཁག་ཞིབ་ཅིང་ཕྲ་བའི་སྒོ་ནས་དྲིལ་བསྒྲགས་བྱས་པ་མ་ཟད། ལོ་དེ་དག་ནང་ཐོན་པའི་སྔོན་ཐོན་དཔེ་མཚོན་དང་མི་སེམས་འགུལ་བའི་བྱས་རྗེས་ལ་བསྟོད་གླུ་ཕུལ་བ་རེད།