༄༅།།མཚོ་སྔོན་མཛོ་རྒན་ར་བ་ནས་གཅིག་སྒྲིལ་བར་གྱི་གཞུང་ལམ་༢༠༡༦ལོར་ལེགས་འགྲུབ་
བྱུང་རྒྱུ་ཡིན་པ།

    མི་དམངས་དྲ་བའི་འཕྲིན། ༼ཟི་ལིང་དགོང་དྲོའི་ཚགས་པར་༽ཐོག་གནས་ཚུལ་སྤེལ་བ་ལྟར་ན། མཛོ་རྒན་ར་བ་ནས་གཅིག་སྒྲིལ་བར་གྱི་གཞུང་ལམ་ནི་མཚོ་སྔོན་ཞིང་ཆེན་གྱི་༼གཞུང་གསུམ་འཕྲེད་བཞི་བཅུ་འབྲེལ་༽བཅས་ཀྱི་གཞུང་ལམ་སྒྲོམ་གཞིའི་གྲུབ་ཆ་གལ་ཆེན་ཞིག་ཡིན་ལ། མགོ་ལོག་བོད་རིགས་རང་སྐྱོང་ཁུལ་དང་ཡུལ་ཤུལ་བོད་རིགས་རང་སྐྱོང་ཁུལ་བར་གྱི་སྟབས་བདེ་གཞུང་ལམ་གལ་ཆེན་ཞིག་ཀྱང་ཡིན། ཉེ་ཆར་གཞུང་ལམ་དེའི་དགའ་བདེ་ཕུག་ལམ་བདེ་བླག་ངང་ཏལ་འབིགས་ཐུབ་ནས་ལས་གྲྭ་ཧྲིལ་པོ་ཛ་དྲག་ངང་ཨར་ལས་བྱེད་བཞིན་ཡོད་ཅིང་། སྔོན་དཔག་ལྟར་ན། ༢༠༡༦ལོར་གཞུང་ལམ་དེ་ལེགས་འགྲུབ་བྱུང་སྟེ་རླངས་འཁོར་ཤར་གཏོང་ཐུབ་རྒྱུ་ཡིན་པ་རེད།